Den norske Uighurkomiteen

Norwegiye Uyghur komitèti heqqide

Norwegiye Uyghur komititi, hichqandaq bir siyasi partiye-gorohqa beqinmaydighan, Uyghurlarning heq-hoquqliri uchun xizmet qilidighan musteqil ijtimai teshkilat bolup 2003-yili qurulghan.

Uyghurlarning Norwegiyege kelip yerlishish tarixi anche uzun emes. Uyghurlar Norwegiyege tunji bolup, 1999-yildin bashlap siyasi kochmen supitide kelip yerlishishke bashlighan. Hazir Norwegiyede texminen 400 etrapida Uyghur yashimaqta.

Nowette Xitay hokumiti Uyghurlargha qarta siyasi, ixtisadi, din, medeniyet we bashqa barliq sahaler boyiche izchil, basturush,cheklesh, kemsitish we chetke qeqish siyasitini yurguzmekte. Uyghurlarning tili, medeniyiti hetta putkul milli mewjutlighi jiddi tehdidke duch kelmekte. Bundaq ehwalda weten millet-teghdirige kongul bolush, millitimizning echinishliq ehwalini ozimiz turiwatqan doletlerdiki xelq we hokumetlerge anglitish, weten-milletning horligi uchun kuresh qilish, nowette demguratik gherip elliride yashawatqan her bir Uyghurning wijdani burchi we bash tartip bolmaydighan muqqedes wezipisi. Bu ish elwettiki teshkilat we jemiyetlerge uyushush arqiliq ishqa ashidu. Norwegiye Uyghur komitetimu del mushu xil zoruriyet we meqsetler astida qurulghan.

Norwegiye Uyghur komiteti qurulghan qisqighina birqanche yil ichide, bir tereptin Norwgiyede yashawatqan Uyghurlarning qan-qerindashliq we ortaq milli menpetni chiqish qilghan asasta,öm,inaq bir milli jamaetchilik bolup shekillininishini qolgha kelturush uchun tirishti. Yene bir tereptin Uyghurlarni we Uyghurlarning nowettiki kishlik hoquq weziyitini Norwegiye hokumiti, kishlik hoquq organliri we Norwegiye xelqige tonushturush yolida kop tirishchanliqlarni korsetti.

Bizning bundin keyinki asasi xizmet nishanimiz we tup meqsidimiz bolsa, bir tereptin Uyghurlarni Norwegiye xelqige teximu keng tonushturush arqiliq Norwegiye xelqi bilen Uyghur xelqi arisidiki ozara chushinish we dostluqni ilgiri surush. Yene birsi, Xitay kommunist hakimyitining qattiq zulimi astida erkinliktin mehrum yashawatqan Sherqiy Turkistandiki Uyghur xelqining nowettiki kishlik hoquq weziyitini Norwegiye xelqi we hokumitige yeterlikche anglitip, bu arqiliq Uyghur mesilisining Norwegiyede keng tonulishi we qollashqa erishishni qolgha kelturush.

Biz bu meqsetke erishish uchun bashtin axir,tenchliq we demguratiye yolliri bilen paliyet elip barimiz, shuningdek kishlik hoquq mesilisige kongul bolidighan teshkilatlar we mesulyetchanliq tuyghusigha ige alijanap insanlarning biz bilen hemkarlishishi hem qollishigha muhtajmiz.